Zipper Lane sa Commonwealth Avenue isasara muna bukas (Feb. 25)

Wala munang bubuksang zipper lane sa Commonwealth Avenue sa Quezon City bukas, February 25.

Ayon sa abiso ng Quezon City Government, kinakailangan kasing magtalaga ng mga Traffic Enforcers sa iba-ibang lugar kung saan may gaganaping pagdiriwang ng EDSA People Power Anniversary.

Kabilang sa aktibidad na isasagawa ay sa People Pwer Monument.

Sa naunang abiso ng MMDA, magtatalaga ng mga enforcer sa White Plains Avenue dahil magbubukas ng zipper lane para sa mga sasakyan na patungo ng EDSA.