Zamboanga City bibili ng 410,000 doses ng AstraZeneca COVID-19 vaccine
Lumagda na sa Multilateral Agreement si Zamboanga City Mayor Beng Climaco para sa pagbili ng bakuna kontra COVID-19.
Ayon kay Climaco, batay sa nilagdaang kasunduan sa AstraZeneca, 410,000 dozes ng COVID-19 vaccines ang bibilhin ng City Government para sa 205,000 na mga residente ng Zamboanga City.
Tinatayang nasa 2.050 million USD ang halaga nito o P100 million.
Ang P100 million pa na inilaan ng City Government para sa bakuna ay ibibili ng iba pang vaccine brands.
Nakatakda na ring makipagpulong si Climaco sa Johnson & Johnson.
