Wooden rail slipper sa riles ng MRT-3 depot sinimulan nang palitan
Nagsimula ng magpalit ng mga bagong wooden rail slipper sa riles sa loob ng depot ng MRT-3.
Bahagi ito ng malawakang rehabilitasyon na ginagawa sa buong linya ng tren.
Nasa 84 piraso ng new wooden rail slippers ang naikabit simula noong ika-12 ng Enero 2021.
Target na makapaglagay ng kabuuang 415 piraso ng wooden slippers sa buong MRT-3 depot.
Ang wooden rail slipper ay ginagamit para mapagpatungan ng mga riles sa depot at maging stable ang table tracks sa pagbiyahe ng mga tren.
Matatandaan na natapos na ang rail replacement works sa mainline noong Setyembre 2020, ilang buwan na mas maaga sa target completion date nito sa Pebrero 2021.
