WATCH: Senator Manny Pacquiao pormal nang nag-retiro sa boxing
Inanunsyo ni Pambansang Kamao at Senator Manny Pacquiao ang pormal niyang pagreretiro sa boxing.
Sinabi ni Pacquiao na mahirap para sa kaniyang tanggapin na tapos na ang kaniyang panahon sa boksing.
Sa video na ibinahagi ni Pacquiao sa kaniyang Facebook page, pinasalamatan din nito ang lahat pamilyang tumulong noon sa kaniya at naging bahagi ng kaniyang tagumpay sa boksing.
Kasamang pinasalamatan ni Pacquiao ang kaniyang coach na si Freddie Roach na aniya ay maliban sa pagiging coach ay naging pamilya din niya.
Pinasalamatan din ni Pacquiao si Buboy Fernandez na kaniyang coach, kaibigan at pamilya.
Gayundin ang buong Team Pacquiao at dati niyang promoter na si Bob Arum.
Hindi rin kinalimutang pasalamatan ni Pacquiao ang kaniyang mga fans hindi lang sa Pilipinas kundi sa buong mundo.
