WATCH: SAP payout ng DSWD-NCR sa Maynila dinumog

Dinumog ang schedule ng payout ng Department of Social Welfare and Deveoplement (DSWD) sa lungsod ng Maynila.

Ibinahagi ng DSWD-NCR sa kanilang Facebook page na ngayong Biyernes, June 18 ay isasagawa ang pamamahagi ng unclaimed 2nd tranche ng SAP.

Ito ay para sa mga beneficiaiy mula sa District 1, 2, 3, 4, 5 at 6 na ang payout ay gagawin sa UDM Covered Court.

Habang ang unclaimed Waitlisted sa District 6 ay sa Manila High School.

Karamihan sa mga nagtungo para sa payout ay halos doon na nagpalipas ng magdamag para masigurong mauuna sila sa pila.

Dahil hindi na nasunod ang social distancing at hindi rin napapila ng maayos ang mga tao ay pinauwi na lamang ang mga ito.

Dismayado naman ang marami dahil nauwi sa wala ang kanilang pagod.

Inaasahang muling maglalabas ng abiso ang DSWD-NCR kung kailan gagawin muli ang payout.