WATCH: Pulis na pumatay sa 52 anyos na ginang sa QC nakatikim ng sermon kay Eleazar
Nakatikim ng sermon mula kay PNP chief, Gen. Guillermo Eleazar ang pulis na pumatay sa isang 52 anyos na ginang sa Quezon City.
Hindi napigilan ni Eleazar ang galit nang makaharap ang suspek na si Police Master Sgt Hensie Zinampan.
Ayon kay Eleazar hirap na hirap ang hanay ng pambansang pulisya na ibalik ang tiwala ng publiko sa mga pulis dahil sa mga kagaya ni Zinampan.
Si Zinampan ay nakakulong sa Quezon City Police District headquarters sa Camp Karingal.
Nakuhanan sa video ang malapitan nitong pagbaril sa biktima noong Linggo ng gabi dahil sa personal na alitan.
Nahaharap na ang pulis sa mga kasong administratibo at kasong kriminal.
