WATCH: Pagdukot sa isang pulis-Maynila, kuha sa CCTV
Kinumpirma ng Manila Police District (MPD) ang insidente ng pagdukot sa isang pulis-Maynila.
Ayon kay MPD chief Police Brig. Gen. Leo Francisco ang biktima ay si Corporal Allan Hilario, ng Station 11, na dinukot kahapon (Feb. 18), .
Nakatalaga si Hilario sa Police Assistance Desk ng MPD Meisic Police Station, San Nicolas PCP.
Sa spot report ng MPD, humigit-kumulang apat na hindi nakilalang lalaki na nakasuot ng bonnet, jacket, gloves at pants ang dumukot sa biktima.
Gamit ng mga suspek ang isang Isuzu Crosswind na kulay puti na may plakang XYF 188 at maroon na Honda City na may plakang NCV 9054.
Ayon kay Francisco, nakikipag-ugnayan na ang MPD sa PNP-SPG at LTO para mai-check ang sasakyan na ginamit sa pagdukot.
