WATCH: P1M halaga ng alahas natangay sa isang jewelry shop sa Sta. Cruz, Maynila
Umabot sa P1 milyong ang halaga ng mga natangay na alahas sa isang maliit na jewelry shop sa Sta. Cruz, Maynila.
Sa salaysay ng biktimang si Dulo Cai, isang Filipino-Chinese, kabubukas pa lamang ng kanilang tindahan sa Recto Avenue pagitan ng Torres St. at Rizal Avenue nang pumasok ang isang lalake.
Tinutukan siya nito ng baril at tinangay ang kaniyang bag na may lamang kalahating milyong piso at mga alahas.
Tinangka pa ng gwardiya nang katabing motel na tumulong gayundin ng mga tambay sa lugar.
Pero umatras ang mga ito nang tutukan sila ng baril ng suspek.
Pinag-aaralan ng pulisya ang CCTV video sa lugar kung saan nakita ang dalawang lalaki na posible umanong umaktong look-out sa krimen.
