Walang ipatutupad na lockdown sa Caloocan – Malapitan

Pinabulaanan ni Caloocan City Mayor Oscar Malapitan ang mga kumakalat na impormasyon na magpapatuload ng lockdown sa lungsod.

Ayon sa alkalde, walang mangyayaring lockdown sa Caloocan gaya ng mga kumakalat na balita sa social media.
Payo ni Malapitan sa mga residente, manatiling nakaantabay sa official Facebook page ng Punong-Lungsod para sa wastong mga update at impormasyon.

Nakatakda namang maglabas ng executive order si Malapitan hinggil sa muling paggamit ng color-coded quarantine pass sa mga supermarket at palengke.

Muli ring ibabalik ang curfew sa lungsod mula alas 10:00 ng gabi hanggang alas 4:00 ng madaling araw simula Miyerkules, March 10.