VP Robredo sa mga nagkalat niyang fake quotes: Galawang troll nga naman
Tinawag ni Vice President Leni Robredo na “galawang troll” ang pagkalat sa social media ng mga pekeng quote niya.
Sa kaniyang Facebook Page nakasaad na hindi totoo ang kumakalat na quote umano ni Robredo tungkol sa motorcycle barrier requirement na ipinatutupad ng pamahalaan.
Sa naturang quote sinasabi umabo ni Robredo na tutol siya sa paglalagay ng barrier at mas pabor siyang nakatalikod na lang sa driver ang angkas.
Ayon sa Office of the Vice President, malinaw na layon nitong manlinlang at siraan ang Bise Presidente.
Kasabay nito pinaalalahanan ng OVP ang publiko na maging mapagmatyag at mapanuri sa mga nababasa, napapanood, o naririnig sa social media.
