Voter registration sa “NCR Plus” mananatiling suspendido ayon sa Comelec
Pinalawig din ng Commission on Elections (Comelec) ang suspensyon ng voter registration sa mga lugar na nananatiling nakasailalim sa Enhanced Community Quarantine.
Ayon kay Comelec Spokesperson James Jimenez, dahil sa pagpapalawig ng ECQ sa tinaguriang “NCR Plus” suspendido muna ang voter registration sa nasabing mga lugar.
Para sa iba pang bahagi ng bansa, magpapatuloy naman ang voter registration.
Ito ay mula Lunes hanggang Huwebes alas 8:00 ng umaga hanggang alas 3:00 ng hapon.
