Vietnamese cargo vessel sumadsad sa Antique
Sumadsad sa pampang ng karagatang sakop ng Antique ang isang Vietnamese-flagged cargo vessel na galing Ho Chi Minh City.
Sa inisyal na impormasyon mula sa Philippine Coast Guard, patungo sana sa Davao City ang MV Globe 6.
ito ay upang maghatid ng tone-tonelarang bigas mula Vietnam.
Ayon kay Coast Guard Spokesman Commodore Armand Balilo, napadpad ang naturang barko sa mababaw na parte ng dagat sa pagitan ng Nagubat at Liwagao Island.
Sa inisyal na imbestigasyon at base narin sa pahayag ng Kapitan ng MV Globe 6 na si Nguyen Noai, nakatulog ang kanilnag officer on duty nang mangyari ang aksidente.
Lulan nito ang 25 tripulante.
Rumesponde na sa lugar ang mga tauhan ng PCG at nasa lugar narin ang mga divers ng BRP Cape Engano para suriin ang hull ng barko kung nagkaroon ito ng anomang pinsala sa pagsadsad.
Nais matiyak ng Coast Guard na hindi magkakaroon ng oil spill sa lugar na maaring makapinsala sa marine life doon.
