Unang batch ng COVID-19 vaccines mula Pfizer darating na sa Malaysia sa Feb. 21
Matatanggap na ng bansang Malaysia ang unang batch ng COVID-19 vaccines mula sa Pfizer sa February 21.
Pagdating ng mga bakuna, agad sisimulan ang inoculation drive sa naturang bansa ayon kay Prime Minister Muhyiddin Yassin.
Tiniyak naman ni Muhyiddin na siya ang unang tatanggap ng bakuna sa February 26 para mahikayat ang mga mamamayan na magpabakuna.
Nitong nagdaang mga linggo ay tumaas ang kaso ng COVID-19 sa Malaysia.
Mayroon na itong mahigit 260,000 COVID-19 cases, at ikatlo sa Southeast Asia na may pinakamaraming kaso.
