Unang araw ng Marso sinalubong ng taas-presyo sa LPG

Nagpatupad ng dagdag sa presyo ng Liquified Petroleum Gas (LPG) ang mga kumpanya ng langis.

Sa abiso ng Petron, epektibo alas 12:01 ng madaling araw ngayong Lunes, March 1, may dagdag na 82 centavos ang presyo ng kada litro ng LPG.

Katumbas ito ng mahigit P9 na pagtaas sa bawat 11-kilogram LPG cylinder.

Tumaas din ng 42 centavos per liter ang presyo ng AutoLPG ng Petron.

Ayon sa Petron ang dagdag presyo ay bunsod ng pagtaas ng international contract price ng LPG ngayong buwan.

Samantala, sa hiwalay na abiso, sinabi ng kumpanyang Solane na epektibo alas 6:00 ng umaga ngayong araw ay tumaas din ng 65 centavos ang bawat kilo ng kanilang LPG.

Katumbas naman ito ng higit P7 pagtaas sa presyo ng 11-kilogram LPG cylinder.