Tuguegarao City balik MGCQ na
Balik na sa Modified General Community Quarantine (MGCQ) ang quarantine status sa Tuguegarao City.
Kasunod ito ng ilang linggong pagpapairal ECQ at GCQ ay nakasailalim muli sa MGCQ ang lungsod simula ngayong araw.
Base sa Executive Order na nilagdaan ni Mayor Jefferson Soriano, strikto pa rin na oobserbahan ang paggamit ng mga COVID SHIELD CONTROL PASS sa loob ng pitong (7) araw.
Para sa mga kawani ng gobyerno, frontliners, at mga miyembro ng academe ay maari na lamang i-presenta ang kanilang ID.
Ang curfew hours ay mula 12MN hanggang 4:00AM. Ang nakatakdang araw naman para sa operasyon ng Talipapa ay mula Lunes hanggang Huwebes lamang.
Nananawagan ang pamahalaang lungsod sa mga residente na sundin ang mga protocol upang makatulong sa pagbaba ng aktibong kaso ng COVID- 19 sa lungsod.
