Tie-up sa TV5 kinumpirma na ng ABS-CBN; “Asap Natin To” at “FPJ: Da King” mapapanood na sa TV5
Kinumpirma na ng ABS-CBN ang tie up nito sa Cignal/TV5 kung saan eere sa nasabing istasyon ang ilang programa ng network.
Ayon sa opisyal na pahayag ng ABS-CBN, simula sa January 24, mapapanood sa TV5 ang programang “Asap Natin To” at “FPJ: Da King”.
Ang “Asap Natin To” ay mapapanood araw ng Linggo alas 12:00 ng tanghali.
Habang ang “FPJ: Da King” kung saan mapapanood ang mga pelikula ni Fernando Poe Jr. ay mapapanood naman tuwing Linggo alas 2:00 hanggang alas 4:00 ng hapon. (D. Cargullo)
