Tatlong Nigerian national arestado dahil sa pagkakasangkot sa “love scam”
Arestado ang tatlong Nigerian national na sangkot sa “love scam” na ang target ay mga Filipina.
Ayon kay Bureau of Immigration Intelligence Division chief Fortunato Manahan Jr., dinakip ang mga suspek na may edad 27 hanggang 41 sa isang operasyon.
Aniya, target ng mga dayuhan ang mga Pinay na nakikilala nila sa online saka hihingian ang mga biktima ng malaking halaga ng pera.
Sinabi ni Manahan na iniimbestigahan din nila ang kaugnayan ng mga suspek sa South African Organized Crime Group at iba pang scamming at fraud activities, maging ang posibleng mga kasabwat ng mga ito na nasa Pilipinas.
Idinagdag pa ng Immigration official na gumagamit ng iba’t ibang alyas ang mga dayuhan at batay sa kanilang mga dokumento ay overstaying na sila sa bansa. (Infinite Radio Calbayog)
