Tatlong Dalian train sets bumibiyahe na sa MRT-3
Tatlong Dalian train sets ang tumatakbo sa linya ng MRT-3, simula ngayong araw, September 7.
Ayon sa Department of Transportation (DOTr), sa kabuuan, 19 na train sets na ang bumibiyahe upang maserbisyuhan ang mga pasahero ng rail line.
Kabilang dito ang 16 na CKD train sets at 3 Dalian trains.
Mahigpit na ipinatutupad ang ‘No Face Shield and Face Mask, No Entry’ sa mga istasyon.
Ipinagbabawal din ang pagsasalita at pagsagot ng tawag sa anumang uri ng digital devices sa loob ng mga tren.
Inoobserbahan din ang one-meter social distancing sa pagitan ng mga pasahero sa loob ng bagon.
Ang lahat ng mga health and safety protocols na ito ay ipinatutupad upang maiwasan ang pagkalat ng COVID-19 sa pamamagitan ng linya. (END)
