3 patay sa tumaob na bangka sa Talim Island sa Laguna de Bay

Nasawi ang tatlong katao nang tumaob ang sinasakyan nilang bangka sa Talim Island sa Laguna de Bay.

Ayon sa Los Baños, Laguna Municipal Government, hapon ng sabado (May 1) nang makatanggap ng tawag ang Municipal Action Center may isang bangkang tumaob na may lulang 7 katao sa bahagi ng Talim Island.

Agad nagbuo ng team para magsagawa ng Search and Rescue Operation subalit dahil sa lakas ng hangin at alon ay inirekomenda ng Philippine Coast Guard na ipagpaliban na muna ang paghahanap sa mga biktima.

Mayo 2, 2021, ganap na alas 5:00 ng umaga nang ipagpatuloy ang Search, Rescue and Retrieval Operation.

Doon natagpuan ang tatlo sa mga biktima na pawang wala nang buhay.

Dinala sa pampang sa bayan ng Los Baños ang mga biktima.

Ipinag-utos ng Pamahalaang Bayan ng Los Baños sa MSWDO na makipag-ugnayan sa punerarya upang matulungan ang mga pamilya ng mga nasawi.