Suspensyon sa truck ban policy pinalawig pa ng MMDA

Pinalawig muli ng Metropolitan Manila Development Authority (MMDA) ang suspensyon sa pag-iral ng truck ban policy sa mga pangunahing lansangan sa NCR.

Ayon sa abiso ng MMDA, sa pag-iral ng Modified Enhanced Community Quarantine (MECQ) sa NCR hanggang May 14, 2021, ay suspendido pa rin ang truck ban.

Ito ay para masigurong hindi maaantala ang biyahe ng mga pangunahing produkto.

Magugunitang inanunsyo ng Malakanyang ang pagpapalawig pa ng MECQ sa NCR Plus hanggang May 14.