Suspensyon ng Annual Confirmation of Pensioners pinalawig pa ng SSS
Dahil mayroon pa ding pandemya ng COVID-19, pinalawig pa ng Social Security System (SSS) ang suspensyon ng Annual Confirmation of Pensioners (ACOP).
Batay sa abiso ng SSS, sa lahat ng pensioners na patuloy na tumatanggap ng kanilang pensyon, suspendido muna ang pag-comply sa ACOP Program habang may umiiral pang community quarantine.
Sa sandaling bawiin na ng pamahalaan ang pag-iral ng community quarantine, ang mga pensyonado ay bibigyan ng 60 araw para makatugon sa ACOP Program.
Kung ang pensioner ay hindi nakatatanggap ng pensyon, kailangan lamang lumagda sa ACOP form at ipadala sa e-mail ng SSS.
