State of Emergency sa Tokyo at iba pang prefectures sa Japan pinalawig pa
Pinaalalahanan Embahada ng Pilipinas sa Japan ang mga Pinoy doon na pinalawig pa ang state of emergency sa Tokyo at iba pang prefectures doon.
Ang state of emergency sa Tokyo, Kanagawa, Chiba, Saitama, Aichi, Gifu, Osaka, Kuoto, Hyogo at Fukuoka ay tatagal pa hanggang March 7.
Pinayuhan ang mga Pinoy na sundin ang mga alituntunin at health protocols sa mga lugar na nasa ilalim ng state of emergency.
Pinayuhan ang lahat na iwasang lumabas ng bahay kung hindi kinakailangan.
Kung may mararamdamang sintomas, makipag-ugnayan sa local health centers o foreign consultation desks.
