SM Supermalls binuksan bilang drive thru saliva collection sites

Nakipagkasundo ang pamunuan ng SM Supermalls at Philippine Red Cross (PRC) para magamit ang ilan nilang mall bilang saliva collection sites.

Bahagi ito ng layunin ng Red Cross na magkaroon ng mas madaling access sa COVID-19 RT-PCR tests ang publiko.

Pormal na nilagdaan ang kasunduan araw ng Martes, Pebrero 2, 2021 kasama sina PRC Chairman and CEO Sen. Richard J. Gordon, PRC Secretary General Elizabeth Zavalla at mga kinatawan mula SM Supermalls sa pangunguna ni Steven T. Tan.

Ang mga Red Cross saliva collection units ay matatagpuan sa SM Megamall (Mega A bus bay sa EDSA Mandaluyong) at sa SM Mall of Asia (5 Ecom Open Parking, Mall of Asia, Pasay City).

Simula noong Pebrero 2, ay bukas na ag nasabing collection sites sa SM Megamall at Mall of Asia.

Drive thru ang collection sites kung saan ang publiko ay magbibigay ng saliva sample para sa RT-PCR test na gagawin sa mga laboratoryo ng Red Cross.

Bukas ang mga collection sites na ito mula 9AM hanggang 5PM.

Para magpa-schedule ng appointment, bisitahin lamang ang book.redcross1158.com