Skyway Stage 3 isasara simula ngayong araw (March 16)
Isasara muna sa mga motorista ang Skyway Stage 3 simula alas 5:00 ng hapon ngayong araw, March 16.
Ayon sa pahayag ng SMC at Skyway Corporation, batay ito sa direktiba ng Toll Regulatory Board (TRB).
Base umano sa utos ng TRB, bubuksan ang Skyway sa sandaling makumpleto na at matapos na ang lahat ng ramps nito.
Indefinite ang pagsasara at hindi pa tinukoy ng SMC kung kailan ito muling magbubukas.
Magugunitang nagkaroon ng partial operations ang Skyway Stage 3 at napakikinabangan na ng libre ng mga motorista.
