Skeletal workforce, work from home ipatutupad sa ilang tanggapan ng PRC dahil sa MECQ
Bunsod ng pag-iral ng Modified Enhanced Community Quarantine (MECQ) sa National Capital Region (NCR) at ilan pang lalawigan suspendido ang frontline services ng Professional Regulation Commission (PRC) sa ilang tanggapan nito.
Sa abiso ng PRC, simula ngayong araw Aug. 4 hanggang sa Aug. 18 ay suspendido ang frontline services sa PRC Morayta, PRC PICC, PRC Robinsons Sta. Rosa at PRC Dasmarinas.
Magpapatupad ng work-from-home at skeleton workforce sa PRC Morayta at PRC PICC.
Habang may skeleton workforce din sa sumusunod na PRC offices:
• Robinsons Place Manila
• Robinsons Galleria Ortigas
• Robinsons Place Las Pinas
• Robinsons Novaliches
Sarado naman sa publiko at wala munang operasyon ang PRC sa Robinsons Place Dasmariñas at Robinsons Sta. Rosa.
Ang mga mayroong kumpirmadong appointments ay ia-accommodate sa sandaling bawiin na angpag-iral ng MECQ.
Hindi na rin nila kailangang magpa-reschedule.
