Siyam na pulis na sangkot sa pamamaril sa apat na sundalo sa Sulu pinaaaresto na ng korte

Nagpalabas na ng warrant of arrest ang isang korte sa Sulu laban sa siyam na pulis na sangkot sa pamamaril sa apat na sundalo sa Jolo, Sulu noong June 2020.

Ayon kay Office of the Prosecutor General spokesperson Atty. Honey Delgado, naglabas ng warrant of arrest ang Jolo, Sulu Regional Trial Court Branch 3.

Samantala, sinabi ni Justice Sec. Menardo Guevarra na nagpalabas na din ng Hold Departure Order ang korte laban sa siyam na pulis.

Magugunitang pinalaya ng Philippine National Police (PNP) ang siyam na pulis.

Hindi agad naaresto ang mga akusado dahil hindi agad nakapagpalabas ang korte ng arrest warrants dahil naka-lockdown ang Sulu at apektado rito ang ilang mga hukom.

Ang Korte Suprema naman ay nagtalaga ng acting judge, para matugunan ang mga kasong nakabinbin sa korte habang hindi pa nakakabalik ang mga orihinal na hukom.