Siyam arestado, matataas na kalibre ng armas at granada pati droga nasamsam sa operasyon ng PDEA at PNP sa Calbayog City
Siyam ang arestado habang ilang uri ng mga baril, mga bala,granada at iligal na droga ang nasamsam sa ikinasang buy-bust operation ng PNP at PDEA sa Calbayog City.
Armado ng pitong search warrants, sinalakay ng mga otoridad ang mga Barangay Migara at Hamorawon na nagresulta sa pagkakadakip sa siyam na suspek habang dalawa ang nakatakas.
Ang mga naaresto at kasalukuyang nasa kustodiya ng PNP ay kinilalang sina Ryan Pacayra, Primitivo Cacayra, at Edgar Doinog, pawang residente ng Barangay Migara; at Carlito Magbutay alyas Carling, Aljhon Bacsal, Marvin Magbutay, Ramil Magbutay, Renante Magbutay at Erica Casaljay, na mula naman sa Barangay Hamorawon. (Lea Soriano)
