Saliva Test mas mura kaysa swab test ayon sa Red Cross
Nagsagawa na ng pilot testing ang Philippine Red Cross (PRC) sa Saliva Test sa COVID-19.
Ang Saliva Test ay mas mura kumpara sa swab test at non-invasive.
Ayon kay Red Cross Chairman at Senator Richard Gordon, sa sandaling ito ay pumasa, mas maraming mamamayan ang magkakaroon ng kakayahan na makapagpatest upang sila ay ligtas na makabalik sa trabaho.
Ayon kay Gordon, kailangan lang ilagay ang laway sa sterile bottle at isumite ang sample sa Red Cross laboratory.
“Ito ay game-changer sa ating laban kontra COVID-19. Mas madalas na makakapagtest ang ating mga kababayan dahil mas abot-kaya na ang saliva test,” ayon kay Gordon. (D. Cargullo)
