Shortlist ng JBC para sa bakanteng pwesto sa SC isinumite na kay Pangulong Duterte

Inilabas na ng Judicial and Bar Council (JBC) ang shortlist nito para sa bakanenteng pwesto sa Korte Suprema.

Ang shortlist ay isinumite ng JBC kay Pangulong Rodrigo Duterte upang makapili ng ipapalit sa nagretirong si Supreme Court Associate Justice Priscilla J. Baltazar-Padilla.

Kasama sa shortlist ng JBC ang mga sumusunod:

– Apolinario Bruselas Jr.
– Amparo Cabotaje – Tang
– Sedfrey Candelaria
– Ramon Cruz
– Jhosep Lopez
– Jose Midas Marquez
– Maria Filomena Singh

Ang permanent at total disability retirement ni Padilla ay inaprubahan ng JBC noong November 3, 2020.

Mayroong 90 araw si Pangulong Duterte para magtalaga ng ipapalit sa kaniyang pwesto.