Severe Tropical Storm Dindo nakalabas na ng bansa ayon sa PAGASA

Nakalabas na ng Philippine Area of Responsibility ang Severe Tropical Storm Dindo.

Huli itong namataan sa layong 555 km North Northeast ng Basco, Batanes o nasa labas na ng PAR.

Bahagya pa itong lumakas at taglay na ang lakas ng hanging aabot sa 100 kilometers per hour at pagbugsong aabot sa 125 kilometers per hour.

Kumikilos ang bagyo sa bilis na 15 kilometers per hour sa direksyong north northwest.

Ayon sa PAGASA, ang bagyo ay inaasahang tatama sa kalupaan ng Zhejiang Province sa eastern China.

Samantala, isang Low Pressure Area ang binabantayan ng PAGASA sa Mindanao.

Huli itong namataan sa layong 450 kilometers East Southeast ng Davao City.

Sa ngayon maliit pa ang tsansa na magiging isang ganap na bagyo ang LPA pero magdudulot ito ng pag-ulan sa Caraga at Davao Region.

Habagat naman ang nagpapaulan sa Batanes at Babuyan Islands. (END)