Serbisyo ng Converge sa ilang bahagi ng Makati balik na sa normal

Balik na ang serbisyo ng Converge sa San Antonio at Magallanes, sa Makati City, makaraang maapektuhan ng fiber cuts bunsod ng ginagawang paghuhukay sa kalsada ng Department of Public Works and Highways (DPWH).

12:47 A.M. ng Jan. 14 nang maputol ang serbisyo ng telco at naibalik din ito ng 7:00 P.M.

Daan-daang subscribers ng Converge ang naapektuhan ng naturang fiber cuts sa kahabaan ng Pasong Tamo matapos aksidenteng tamaan ng ginagawang paghuhukay ng DPWH ang kanilang optical fiber.

Agad namang nagtungo sa site ang teams ng Converge para sa agarang pagbabalik ng kanilang serbisyo.