Senior State Prosecutor JP Navera pumanaw sa edad na 49

Nagluluksa ngayon ang Department of Justice (DOJ) dahil sa pagkamatay ni Senior State Prosecutor Juan Pedro “JP” Navera.

Kinumpirma ni Justice Sec. Menardo Guevarra ang pagkasawi ni Navera sa edad na 49-anyos.

Ayon kay Guevarra, isa si Navera sa mga mahuhusay na state prosecutor ng bansa.

Umaapela naman sa publiko si Guevarra ng panalangin para kay Navera at mga naulila nito.

Kabilang sa malalaking kaso na nahawakan ni Navera ay ang Maguindanao Massacre case, kaso ni PDAF scam whistle blower Benhur Luy at kaso laban kay dating Gen. Jovito Palparan.

Pati ang conviction ng tinaguriang Chin Drug syndicate na sabit sa P2 billion Subic drug case, si Navera ang nanguna.

Isa pa ang kaso ng walong Coast Guard personnel na nakapatay sa isang mangingisdang Taiwanese na nahawahan ni Navera.

Sa pahayag niya noon sa media, sinabi ni Navera na nakakatanggap siya ng death threats dahil sa kanyang trabaho. Ngunit hindi ito naging balakid para maglingkod siya sa bayan.