Sen. Manny Pacquiao lalaban kay Conor McGregor sa susunod na taon

Kinumpirma ng kampo ni Senator Manny Pacquiao na haharapin nito sa laban si Conor McGregor sa susunod na taon.

Sa inilabas na pahayag mula sa tanggapan ng senador, sinabing ang malaking bahagi ng kikitain sa naturang laban ay ipangtutulong sa mga naapektuan ng COVID-19 pandemic sa buong bansa.

Sinabi ding kapwa naghahanda na ang dalawang boksingero sa laban.

Sa kabila ng pagkumpirma sa laban, sinabi sa pahayag na ayaw ng senador na pag-usapan muna ang boxing.

Mas nais aniya ni Sen. Pacquiao na tutukan ang pagtulong sa publiko ngayong may COVID-19 pandemic sa bansa. (END)