Sec. Año balik-trabaho na sa DILG
Balik-trabaho na si Department of Interior and Local Government (DILG) Secretary Eduardo Año.
Ito ay matapos palawigin ng kalihim ang kaniyang leave of absence na nagsimula noong Enero.
Ayon kay DILG Undersecretary Jonathan Malaya, nagtakda na ng pulong si Año ngayong araw sa mga opisyal ng ahensya.
Sinabi ni Malaya na nabigyan na ng clearance si Año ng kaniyang mga doktor para makabalik ng trabaho.
Magugunitang si Año ay dalawang beses tinamaan ng COVID-19 noong nakaraang taon.
Noong Enero naghain ito ng leave of absence at dalawang ulit na napalawig noong Pebrero at noong Marso.
