Sarah Balabagan inaming si Arnold Clavio ang ama ng kaniyang panganay na anak

Tinuldukan na ni Sarah Balabagan ang matagal nang mga haka-haka tungkol sa kung sino ang ama ng kaniyang panganay na anak.

Sa pamamagitan ng Facebook Live noong August 21, kinumpirma ni Sarah na ang broadcaster na si Arnold Clavio ang ama ng kaniyang anak.

Bago ihayag ang katotohanan, sinabi ni Sarah na kinausap muna niya ang kaniyang asawa, at kaniyang pamilya.

“Ang ama po ng panganay ko ay si Arnold Clavio po, siya po ang ama ng panganay ko,” ayon kay Balabagan-Sereno

Ikinwento ni Sarah na si Arnold Clavio ang unang tao na nagpasyal sa kaniya noon sa Maynila.

Kasabay nito ay humingi ng paumanhin si Sarah sa asawa ni Arnold Clavio dahil sa kanilang naging pagkakamali.

“Saludo po ako sa kaniyang maybahay, sa kaniyang asawa dahil nung nalaman niya po, sinuportahan niya si Arnold,” ayon pa kay Sarah.

Ayon kay Sarah, pati ang pangalan ni dating Ambassador Roy Seneres ay nakaladkad na ama umano ng kaniyang anak.

Ani Sarah, sa katunayan ay ang pamilya Seneres ang kumupkop sa kaniya noong panahon na siya ay nabuntis.

Kinumpirma din ni Sarah na ang negosyanteng si William Gatchalian ang nagbayad ng blood money kaya napababa ang kaniyang sentensya.

Nagpasya umano siyang ilantad na ang totoo pagkalipas ng 22 taon para matuldukan na ang isyu at alam niya rin naman kasi na “walang baho na hindi malalantad”.

https://www.facebook.com/SarahBalabagan/videos/10157534475498549/