San Juan City LGU magbibigay ng P100,000 na cash grant sa COVID-19 Free Barangay
Naglaan ng P100,000 na cash grant ang San City Local Government para sa COVID-19 Free Barangay .
Sa ilalim ng City Ordinance No. 1 Series of 2021 ng pamahalaang lungsod, bibigyan ng P100,000 Cash Incentive ang mga barangay na makakapagtala ng zero (0) cases ng COVID-19 sa loob ng 100 araw.
Magsisimula ito mula January 18, 2021 hanggang December 31, 2021.
Ayon kay San Juan Mayor Francis Zamora, ipinasa ang ordinansa upang mahikayat ang mga barangay na gawin ang mga hakbang mapababa o mawalan ng cases ng COVID-19 sa kanilang nasasakupan.
Ang mapapanalunang cash ay kailangang gamitin ng barangay para sa COVID-related activities.
