Sa ikalimang sunod na linggo, presyo ng produktong petrolyo muling tataas

Muling tataas ang presyo ng produktong petrolyo.

Sa abiso ng mga kumpanya ng langis, may P1 na dagdag sa kada litro ng gasolina, 85 centavos na dagdag sa kada litro ng diesel at 70 centavos na dagdag sa kada litro ng kerosene.

Ito na ang ikalimang sunod na linggo na mayroong pagtaas sa presyo ng produktong petrolyo.

Epektibo ang dagdag presyo ng mga kumpanya ng langis alas 6:00 ng umaga bukas araw ng Martes (March 2).

Maliban lamang sa kumpanyang Chevron na mas mauunang magpatupad ng price increase alas 12:01 ng madaling araw.

Habang ang Cleanfuel naman ay alas 4:01 pa ng hapon ipatutupad ang oil price hike.