Restrictions sa religious gatherings sa GCQ areas pinagaan ng IATF; 50 percent capacity puwede na sa mga simbahan

Inaprubahan ng Inter-Agency Task Force (IATF) ang pagpapagaan ng umiiral na restrictions on mass gatherings para sa mga lugar na nasa General Community Quarantine (GCQ).

Ayon kay Presidential Spokesperson Harry Roque, epektibo sa February 15, 2021, papayagan na ang 50 percent capacity sa mga simbahan sa GCQ areas.

Kasama din dito ang iba pang kahalintulad na
religious gatherings.

Inaprubahan din ng IATF ang muling pagbubukas ng sumusunod na negosyo:

– driving schools
– traditional cinemas
– video and interactive-game arcades
– libraries
– archives
– museums
– cultural centers
– meetings
– incentives
– conferences
– exhibitions
– limitadong social events sa mga credited establishments ng Department of Tourism.

Inaprubahan din ang pagbubukas ng limited tourist attractions gaya ng parke, theme parks, natural sites at historical landmarks.