Region 4A nanguna sa mga lugar sa bansa na may mataas na naitalang bagong kaso ng COVID-19

Batay sa pinakahuling talaan ng Department of Health, nangunguna ngayon ang Region 4A o Calabarzon (Cavite, Laguna, Batangas, Rizal, Quezon) sa mga lugar sa bansa na may pinakamataas na bagong kaso ng COVID-19.

Kung pagbabatayan ang top 5 sa pinaka-huling datos na inilabas ng DOH noong Miyerkules, May 26.

Umabot sa 569 ang naitalang mga bagong kaso sa Region 4-A.

Pumangalawa ang NCR na nakapagtala ng 525.

Sinundan ito ng Region 3 o Central Luzon na may 471 bagong kaso.

Pang-apat ang Region 10 o Northern Mindanao na may 337.

At pumang-lima naman ang Region 9 o Zamboanga Peninsula na nasa 273.

Samantala, nanguna pa din ang NCR sa may pinakamataas na bilang naman ng mga aktibong kaso sa bansa na nasa 11,046.

Sinundan ito ng Region 4-A na may 8,491.

Pangatlo ang Region 3 na may 6,059 active cases.

Pang-apat ang Region 6 o Western Visayas na may 3,384.

At pumang-lima ang Region 10 na may 2,152 na aktibong kaso.