Record-high daily COVID-19 cases sa bansa muling naitala; mahigit 4,500 nabagong kaso ang nadagdag sa magdamag

Nakapagtala muli ng panibagong record-high ng daily cases ng COVID-19 sa bansa.

Ito ay makaraang umabot sa mahigit 4,500 ang nadagdag na bagong kaso ng sakit.

Sa inilabas na datos ng Department of Health (DOH) alas 4:00 ng hapon ngayong Biyernes (March 12), umabot na sa 611,618 ang kabuuang bilang ng kaso ng COVID-19 sa bansa.

Ito ay makaraang makapagtala ng 4,578 na dagdag na mga kaso.

Sa kabuuang bilang ng COVID-19 cases, 546,912 ang gumaling o katumbas ng 89.4 percent makaraang makapagtala pa ng dagdag na 272 na gumaling.

52,012 naman ang active cases o katumbas ng 8.5 percent.

Habang nakapagtala pa ng dagdag na 87 pang pumanaw sa sakit.

12,694 ang kabuuang death toll sa bansa o 2.08 percent.