Publiko binalaan ni Senator Bong Go sa kumakalat na “fake news” tungkol sa holiday lockdown

Nagbabala si Senator Christopher “Bong” Go sa publiko sa mga pekeng balitang kumakalat sa social media na nagsasabing magkakaroon ng nationwide lockdown para sa holiday season.

Payo ni Go sa publiko huwag basta-basta maniwala sa mga ipinakakalat na impormasyon lalo na kung galing ito sa “unverified sources”.

Binatikos din ni Go ang mga nagpapakalat ng pekeng impormasyon tungkol sa lockdown.

Una nang nagbabala din si National Task Force on COVID-19 (NTF) spokesperson retired Gen. Restituto Padilla sa publiko na tiyaking i-verify muna sa ang mga ipinakakalat na impormasyon.

Sinabi naman ni Presidential spokesperson Harry Roque, na peke ang mga balitang magpapatupad ng Christmas lockdown.

Samantala, sinabi ni Go na maliban kina Department of Health Secretary Francisco Duque III at vaccine czar Presidential Adviser Carlito Galvez, Jr., si Pangulong Rodrigo Duterte ay handang maunang magpaturok ng COVID-19 vaccine.

Ito ay para maipakita sa publiko ang kaligtasan nito.

Prayoridad na mabigyan ng bakuna ang mga mahihirap, vulnerable sectors gaya ng frontliners, kabilang ang medical workers, uniformed personnel at mga guro.

Isinasapinal na ayon kay Go ang pondo para maipambili ng bakuna.