Public interview para sa mga kandidato bilang bagong Supreme Court justice itinakda ng JBC

Itinakda na ng Judicial and Bar Council (JBC) ang public interview para sa kandidato sa magiging susunod na mahistrado ng Supreme Court (SC).

Ayon sa abiso ng JBC, sasalang sa public interview sa April 5 at 6, 2022 ang mga kandidato at nominado sa puwestong iiwan ni Justice Estela Perlas-Bernabe.

Nakatakda ang compulsary retirement ni Bernabe sa May 14, 2022.

Kabilang sa mga sasailalim sa public inteview ang mga sumusunod:

April 5 (Tuesday)
– Maria Elisa S. Diy
– Apolinario D. Bruselas Jr.
– Ramon A. Cruz

April 6 (Wednesday)
– Fernanda Lampas Peralta
– Geraldine Faith A. Econg
– Ronaldo Roberto B. Martin
– Maria Filomena D. Singh

Ang publiko ay mayroong hanggang April 11, 2022 para magsumite ng sworn complant, report o opposition sa nabanggit na mga kandidato.

Maari itong dahil sa JBC office sa Supreme Court o maaari ding ipadala via email sa jbc@judiciary.gov.ph (DDC)