Private school sa Cauayan City, Isabela nagdaos ng face-to-face classes; isang estudyante nagpositibo sa COVID-19

Kasalukuyang nagsasagawa ang City Health Office ng Cauayan City ng malawakang contact tracing matapos magpositibo ng virus ang isang estudyante na dumalo sa face-to-face classes na isinagawa ng kanyang paaralan.

Lumabas ang resulta ng swab test ni patient CV969 noong Sabado.

Nasa 45 estudyante ang kumpirmadong dumalo sa face-to-face classes na ginanap noong nakaraang linggo.

Nagpositibo sa COVID-19 ang estudyante na may case code na CV969 matapos ang direktang pakikisalamuha kay CV823 na empleyado ng City Hall.

Samantala, tatlumpu’t tatlong (33) katao na ang sumailalim sa swab test dahil may direct contact ang mga ito kay CV969. / END