PNP chief Dionardo Carlos nagtalaga ng bagong tagapagsalita

Hinirang ni Philippine National Police (PNP) chief Police General Dionardo Carlos, si Police Colonel Atty. Jean Fajardo bilang bago niyang official spokesperson.

Ipinakilala ni Carlos si Fajardo sa PNP Press Corps na magsisilbi bilang kaniyang official spokesperson.

Papalitan nito Fajardo si Police Brigadier General Roderick Augustus B. Alba na tututok naman bilang hepe ng PNP Public Information Office, kasabay ng pagiging PNP head coordinator sa Presidential Task Force on Media Security, at executive producer ng public affairs programs sa radyo, TV at social media platforms ng PNP.

Si Fajardo, ay miyembro ng PNPA “Kaagapay” Class of 1996, at nagtapos din sa Jose Rizal University College of Law at nakapasa sa bar noong 2009.

Dati siyang Deputy Director for Operations ng PNP Drug Enforcement Group (DEG).

Dati rin siyang Provincial Director ng PNP sa Pampanga, at naging hepe ng Regional Intelligence Division ng Police Regional Office 3 sa Central Luzon. (DDC)