PNP bumuo ng task group para imbestigahan ang pananambang kay Calbayog City Mayor Ronald Aquino
Bumuo na ng task group ang Philippine National Police (PNP) na tututok sa imbestigasyon sa pananambang kay Calbayog City, Samar Mayor Ronald Aquino.
Sa pahayag sinabi ng Philippine National Police (PNP)-Police Regional Office 8 na nagsimula nang mag-imbestiga ang “Special Investigation Task Group Aquino”.
Magbibigay din ito ng update sa publiko hinggil sa mga paunang impormasyon na nakalap.
Sa ngayon ayon sa PRO8 nakikipag-usap na ang mga imbestigador sa mga testigo.
Batay sa inisyal na ulat, patungo sana sa birthday party ng kaniyang anak si Aquino sakay ng van nang sila ay tambangan.
