Passenger service ng Angkas balik na ngayong araw

Simula ngayong araw, November 25 ay balik na ang passenger service ng Angkas.

Simula noong magkaroon ng pandemya ay nahinto ang pagbiyahe ng Angkas bilang pagtalima sa pagpapairal ng social distancing.

Sa halip ay delivery service muna ang pinagkakitaan ng mga Angkas rider.

Simula alas 6:00 ng umaga kanina ay nagsimula na ang passenger service ng Angkas.

Ayon sa pahayag ng kumpanya, mayroon silang ilang adjustments na paiiralin para mas mapabuti ang serbisyo ngayong may pandemya.

Kabilang dito ang pagkakaroon na ng cashless transactions sa pagbabayad ng pamasahe.

Maaring gumamit ng credit card at debit card sa pagbabayad.

Ang mga pasahero ay kinakailangang mayroong sariling helmet.

Tiniyak din ng Angkas na ang kanilang mga rider ay regular na naisasailalim sa PCR Testing.

Lahat din ng motorsiklo ng Angkas ay mayroong Passenger Shields para sa social distancing.

Pinayuhan ang mga pasahero na i-download na ang latest version ng Angkas App.