Pasok sa executive branch ngayong araw hanggang alas 3:30 lang ng hapon

Hanggang alas 3:30 lang ng hapon ang pasok sa mga tanggapan na nasa ilalim ng executive branch ngayong araw, Sept. 28.

Sa inilabas na memorandum circular ni Executive Secretary Salvador Medialdea, maagang pinapauwi ang mga empleyado ng gobyerno bilang paggunita sa Kainang Pamilya Mahalaga Day.

Ang maagang pagpapauwi ay para mabigyang pagkakataon ang mga empleyado ng gobyerno na makasalo sa hapunan ang kanilang pamilya.

Hinihikayat ang lahat na ipagdiwang ang Kainang Pamilya Mahalaga Day ngayong araw sa pamamagitan ng sabayang pagkain.