Pasig City nakapagtala ng 1 biktima ng stray bullet; P700,000 halaga ng paputok nakumpiska
Umabot sa P700,000 ang halaga ng nakumpiskang mga paputok sa Pasig City.
Batay ito sa update mula kay Pasig City Mayor Vico Sotto.
Kabilang sa nakumpiska ang mga kwitis, luces, roman candle, at ba pang uri ng paputok at pailaw.
Sinabi ng alkalde na mayroong isang biktima ng stray bullet na residente ng Brgy. Caniogan.
Ayon aniya sa Pasig-PNP, batay sa trajectory ng bala, maaring ang pinaputok na baril ay mula sa Brgy. Pinagbuhatan o ‘di kaya ay sa Taytay o Cainta, Rizal.
Samantala, nakapagtala lamang ng tatlong firecracker-related injuries sa lungsod. (D. Cargullo)
