Pasig City Mayor Vico Sotto nakasailalim sa quarantine; driver pumanaw dahil sa COVID-19

Nakasailalim sa self-quarantine si Pasig City Mayor Vico Sotto.

Ito ay makaraang ma-expose sa isang COVID-19 positive ang alkalde.

Malungkot na ibinalita ni Sotto sa kaniyang Facebook live na pumanaw ang kaniyang driver dahil sa COVID-19.

Noong Miyerkules aniya siya nagsimulang sumailalim sa quarantine at tatagal ito ng 14 na araw.

Kahapon sumailalim sa swab test si Sotto at inaasahang malalaman ngayong araw ang resulta.

Sinabi ni Sotto na maayos naman ang kaniyang kondisyon at wala siyang sintomas.

Sa kanila nito, sinabi ni Sotto na tuloy ang kaniyang pagtatrabaho at patuloy na pipirma sa mga mahahalagang dokumento.

Kinansela na din ang flag-raising ceremony ngayong araw sa Pasig City Hall.