Pangulong Duterte nakasailalim sa quarantine matapos ma-expose sa isang COVID-19 positive
Nakasailalim sa quarantine si Pangulong Rodrigo Duterte matapos malantad sa isang COVID-19 positive.
Kinumpirma ni acting presidential spokesperson Karlo Nograles na na-expose ang pangulo sa isang household staff na nagpositibo sa COVID-19.
Negatibo naman ang resulta ng COVID-19 test ng pangulo, pero tatapusin nito ang mandatory quarantine protocols.
Tiniyak naman ni Nograles na patuloy na gagampanan ng pangulo ang kaniyang tungkulin habang naka-quarantine.
Tuloy aniya ang komunikasyon ng pangulo sa mga miyembro ng gabinete. (DDC)
